QAUMAQTIPKALUGU. AULARUTILUGU UQAUTIGINIQ.
UNIPKAAVUT
Tamaita inuit qajangnailrumiittukhat, pittiaqtaulutik, ihumagijaulutiklu piqatigiigutimingni—kihimi inuit tamaita taimaingitut. Ajungnarniaqtuq uqautigilugu nakuuluangitumik piqatigiikniqmik, kihimi hapkua uqautiginirit akhuungnaqtut. Ihumagilugit Qulliit akhuuqhaijut uuktuqhimaaquijut inungnut Nunavunmi angmaqhilutik, ikajuqatigiiklutik, imaalu aallanguqtirlutik.
Arnat Nunavunmi ajuqhaqtitaujut nin'ngaqtaunirmik 13-nik amigaitqijaujunik humiliqaak Kanatami. Una hiniktaqvik attautimuktitijuq inungnik Nunavunmi attautimun nunallaat ikajugiangani nutqaqtilugu pittianginiq uvalu aaniaqnaitumik piqatigiikniqmik.
Ihumagilugu Qulliit akhuuqhaidjut havaktauhimajuq hapkunanga Qulliit Nunavunmi Arnait Qanurilinganinginnut Katimajiit uvalu maniliqtuqtaublutik Kavamatkunin Kanatamin.
PIQATIGIINGNIQ PIDJUTIQAQTUQ UVAPTINGNUN.
Ajuqhautit pijaaqtut qujaginaq piqatigiiknikkut—akungani ilani, ilanat, uvaluuniin nunallaat. Kihimi mamihaijaaqtun. Ihumagilavut munaridjutit, ukpirijavut, uvalu pittiaqlugit tamaita atadjutit.
Ihumaliuqtaa
QULLIIT UNIPKAANIK NIN'NGAQTAUNIKKUT UKIUQTAQTUMI
Qiniqlugit itquumanahugijaujuq kangikhidjutikhangitlu taima aulatitihimajut uqaqtauvakhimajunik talvuuna iliqatigiiktukharnik qajangnairutikharniklu Tunnganirmi. Ihumagilaqqut qaumaniq uvalu tautuktitiluta hunat hulidjutait.
Pimmarlungniq amigaitunik pidjutiqaqtuq. Ilaqaqtaaqtuq ningarnirnik, kihimi munarinikkullu, iqhitaarnikkut piangaijarnikkullu qanuriliurutinik. Pimarlungniq nuliqinikkut, ihumakkut, maniliqinikkut, iqaijangnikkut, uvalu pidjutiqaqtut uumilguhainiq uvaluuniin ahiruqtiqniq, ilaujut qaritaujakkut.
Taimaali argnat atuqpakhimajut ningarniq aktilaanganik malruiqtuqhugu angutit, kinali pimmarlungnikkut piqatigiingniq uvaluuniin atuqhimajumik ihuinaarutinik iglumingni. Tapkua ilaujut angutit inuuhuktullu.
Pimmarlungniq inungmiunikkut ajuqhaut uvalu nunallaavut ilaujut ihuaqhaidjutinun. Pimmarlungniq atuqtauvaktuq ubluq tamaat. Akhuungnaqtuq tapkua kinali atuqtut uqaqatigilugit ilatik, ilanatik, uvalu nunallaanun, uvalu qiniqhialutik ikajuutinik, ikajuutinik, uvalu pijakhanik.
Piimmarlungniq pittaaqtuq qujaginnani ukiuqaqtuni, qujaginnani piqatigiigutaani. Inuit aalanguqtaaqtut imaa munariblugit inmi idjuhitik uvalu aalanguqtiqlugu qanuq pidjutigijait piqatigiiknikkut.
Ihuinaarutit uvalu ihuiguhuutiqangitut pidjutaujut aaniaqnaitumik piqatigiikniqmik -- pimaqlungniq pingituq. Pittiaqtauniq qaniutaukavunngituq. Atuqtauvaktuq hiqhinaaqhugit, ningarniq, uvaluuniin aalat idjuhiit munarijaangani aala inuk, uqautigihimaitumik, ihuiguhuutmik, uvalu pittiaqhimaitumik.
Piqaqtuq amigaitunik qanuginiinik huuq inuit pimmarlungnikkut uvaluuniin ningangnikkut piqatigiikniqmik. Pidjutigijait taimaali pidjutiqangmata maniktigut aipamingnun, qajangnaitumik iglukhaqarumik anikpata, uvaluuniin aipait iqhinaramik aaniqtitilutik nutaqqanun uvaluuniin pamiqhaanik. Taima taimainiaqtut ihumagijaunginamik talvuuna piqatigiirnikkut nunalaamingni. Qimaijaangat pimmarlungnikkut piqatigiikniqmik qajangnatqijaujuq - - arnat 6siiqtuqhutik tuqutauniaqtun talvanga aulahimajunik aipagijainik.
Ningangnikkut amigaitilaangit ilauqatigiingnikkut aviktuqhimajuni aalangungitut kingulirni ikitut ukiut. Nulliqinikkut ningarnikkut amigaitilaangit avatingni Kanatami aalangungitut.
Tamna angijuq angitqijauninnga, ningarniq pijuq kinamit inuk ilihimajuq, aippanga, takdjutiuk aipariik, ilannaq, aiparaluangaluuniit. Quviannaituq, Nunaqaqqaaqtut arnat arnannuallu qajangnatqijaujut ningaqtaunirmik inungnit ilihimangittut.
TQUUMANIKKUT PIDJUTIT.
IGIDJAULI NAUNAITUN KIHITITIRUTIKHANGIT QUVIANAQTUMIK.
6x
Nunavut piqaqtut anginiqhaqmik amigaitilaangit nuliqinikkut ningarnirmik Kanatami -- naamavjaktuq 6 amigaitilaangit kanatami amigaitilaangit.
13x
Nunaqaqqaaqhimajut arnat uqarniaqtait ningarniq piqatigiikninngit nunaqaqqaangittut arnat. Arnat Nunavunmi atuqpakhimajut amigaitunik ningahungnikkut ihuinaarutinik arnanin Kanatami tamaat.
12x
Nunaqaqqaaqhimajut arnat arnannuallu 12-ngujut inuaqtauhimajut tammaqhimajulluuniit aallanit arnanit Kanatami.
20%
Nunaqaqqaaqhimajut arnat atuqtut piqatigiikniqmik nin'ngaqtauniq 20pusantmik uqarniaqtut iqhiuqtut inuuhimiknit Nunaqaqqaaqhimangittut arnat.
7x
Nunavut piqaqtuq nin'ngahungnikkut ihuinaangnikkut amigaitilaangit amigaitqiat aalanin aviktungniinin aviktuqhimajuninluuniin --amigaitqiat 7nik amigaitilaangit kanatami amigaitilaangit.
0x
Amigaitilaangit ningarnirmun ilauqatigiingnirit aviktuqhimajumi aalangungitut uvaluuniin ikilijuumingitut hamanga 2009min hamunga 2019mun.
IKAJUNIRMUN
Ilvit kinaluuniin ilihimajat aaniqtuq piqatigiiknikkut, avaliingittutit. Tamaita inuit pijariaqaqtuq qajangnautikkut, pittiarnirmik, uvalu ikajuqlutik. Uqautigiblugu ajungnaqtuq, kihimi ihaarniq hakugingniqaqtuq hivuliujuq atugahaq.
Ikajuqtikhaqaqtuq. Kinaliqaak naalaktaujumaguvit, ihumaliurlutit qanuriliurutikharnik tuklianik qajangnaittumikluuniit, inuit upalungaiqhimajut ikajurumaplutit.